Pepino-espagetiak tomatearekin eta kokoarekin

Espageti begetalak dira errezeta begano erraz honen oinarria.

Osagaiak: 
  • Bi pepino
  • Cherry tomateak
  • Legami nutrizionala
  • Kokoaren esne-gaina
  • Limoi-zukua
  • Vene cress hostoak (zapore azidoa eta itxura erakargarria duen landarea)
  • Gatza
  • Piperbeltza
  • Kuminoa
Denbora: 
30 minutu
Zailtasuna: 
erraza
Prestaketa: 
  1. Pepino-espagetia egin spiralliarekin (barazkia xaflatan mozteko gailuarekin). Spirallirik ez baduzu, xafla oso finak egin labanaz, tailarin tipoan.
  2. Gatza bota, erretilu batean jarri, gainean pisu bat jarrita prentsatu 20 minutuz, ura bota dezaten.
  3. Xukatu, lehortu sukaldeko paperarekin, eta erantsi legami nutrizionala, pipermina eta kuminoa.
  4. Nahastu kokoaren esne-gaina limoiaren zukuarekin, gatzarekin, piperminarekin eta kuminoarekin eta muntatu. Koko-esne-gaina egiteko, nahikoa da koko-esne lata bat (gutxienez % 35 koipe-materia duena) 12 orduz irekita uztea hozkailuan, eta osatuko zaion koipe-zatia kentzea (likidotik bereizten dena). Esnegain hori oso ongi harrotzen da barilekin.
  5. Zerbitzatu cherry tomateekin entsalada modura edo pasta-plater gisa.