Letxuga- edo uraza-krema

Begano eta begetarianoentzako errezeta ezin hobea da hau, oso erraz egitekoa eta arin afaltzeko apropos-aproposa.

Osagaiak: 
  • Tipula bat
  • 3 berakatz-ale
  • 500 ml barazki-salda
  • 250 gr batavia letxuga
  • Gatza
  • Pipermina
  • Limoi-zukua
  • Esnegain likidoa
Pertsonak: 
1
Denbora: 
20 min.
Zailtasuna: 
erraza
Prestaketa: 
  1. Baratxuriak eta tipula txikitu eta eltze batean jarri oliba-olio pixka batekin. 3 minutuz nahastu gardentzen hasten diren arte.
  2. Barazki-ura gehitu eta sua jaitsi.
  3. Letxuga (batavia motakoa, ahal dela) gehitu (juliana estiloan moztuta).
  4. Su baxuan 2 minutuz egosi.
  5. Gatza, pipermina eta limoi-zukua gehitu, eta sua itzalita utzi.
  6. Irabiagailu elektrikoarekin irabiatu gustuko krema-testura lortu arte.
  7. Zerbitzatzeko garaian, esnegain likido eta pipermin apur bat gehitu (kremarekin nahastu beharrik ez duzu, krema-plateraren erdian botata, itxuroso askoa geratuko zaizu-eta!).