Azalore-pizza

Osagaiak: 
  • Azalore txiki 1
  • Arrautza 1
  • 150 gr mozzarella birrindua
  • Tomate frijitua
  • Askotariko tomatetxoak
  • Gazta birrindua
  • Gatza
  • Oreganoa
  • Albaka
Pertsonak: 
4
Denbora: 
45 min.
Zailtasuna: 
erraza
Prestaketa: 
  1. Azalorea garbitu, zurtoinak kendu eta birrindu (gazta-birringailu batekin edo pikatzeko makina batekin egin daiteke).
  2. Azalorearen masa osoa birrinduta dugunean, mikrouhinean sartuko dugu zortzi minutuz, potentzia maximoan.
  3. Mikrouhin-labetik atera eta arrautza bat, gatz pittin bat eta mozzarella gazta birrindua gehituko dizkiogu. Dena oso ongi nahastuko dugu.
  4. Labeko erretilu batean labeko papera jarriko dugu, eta nahasketa zabaltzen joango gara bertan biribil-forma ematen. Nahi duzuen tamainakoa egin dezakezue, bakarra ala bat baino gehiago (gomendioa: bi ertain eta lau txiki). Aurrez berotutako labean sartuko dugu erretilua, 180 ºCtan, 20 minutu inguru.
  5. Behin denbora igarota, gure pizza-oinarria xigortuta egongo da. Labetik atera eta gainetik tomate frijitua, tomatetxo batzuk erditik ebakita, oregano pixka bat eta gazta birrindua jarriko dizkiogu.

Bost bat minutuz gratinatuko dugu, albaka-hosto batzuk jarriko dizkiogu gero eta listo! Horrez gain, haragi txikitua, espinakak, olibak, urdaiazpikoa… gehitu diezazkiokegu.